如題，第一日比完錢，即日出庫，第二日到起身覺得好驚喜，因為狀況見到寫住「已提取，轉運中」，跟據以往經驗即係到咗香港倉！點知無送到，因為嗰日係星期日，我覺得無到都正常，所以我繼續等。諗住第三日會到，點知都無到，我都覺得唔緊要，疫情期間慢啲都正常。到第四日，我再check多次狀況，見到寫住「派送中」，諗住實到，等左成日，等到夜晚八點，都無到，於是我上官網問客服咩事，點知客服覆我件貨唔係派緊，我當堂嬲咗，我cap圖問佢係唔係我隻眼出咗事，個客服講嘢199，淨係話係失誤，又話我無耐心，講完我仲嬲，我無耐心就唔會等足一日。都未係最過份，最過份係個客服單方面close左個window，之後我就搵唔到其他客服，真係笑咗，個page寫住「當前無客服在線」 以往用其他集運公司都係大陸嚟香港慢，到香港1-2日都會到，唔似呢間，呢間pk公司我唔會再用